အရိုအသေပေးကြ သင်္ကေတ

အရိုအသေပေးကြ သင်္ကေတ

ရှေးနှစ်ပေါင်းများစွာကနေ ဒီနေ့ထိအောင် လူအမျိုးမျိုးတို့ဟာ သင်္ကေတအမျိုးမျိုးတို့ကို အရိုအသေပေးခဲ့ကြ၊ ပေးနေကြပါတယ်။ အရိုအသေပေးတယ်ဆိုတဲ့နေရာမှာ လက်အုပ်ချီမိုး ရှိခိုးပူဇော်ခြင်း တစ်မျိုးတည်းကို ဆိုချင်တာမဟုတ်ပါဘူး။ ဦးညွတ်ခြင်း၊ ခါးကိုင်းခြင်း၊ လက်အုပ်ချီမိုးကန်တော့ခြင်း အစရှိတဲ့ ကာယကံမြောက် အလေးထားအသိအမှတ်ပြုနည်း အားလုံးကိုဆိုလိုပါတယ်။

ဟိန္ဒြူဘာသာဝင်တွေက ဖန်ဆင်းရှင်ထာဝရဗြဟ္မာကြီး အစရှိတဲ့ နတ်ဘုရားအမျိုမျိုးတို့ကို ရုပ်တုထုလုပ် သင်္ကေတပြု အရိုအသေပေးကြပါတယ်။ ဗုဒ္ဓဘာသာဝင်တွေကလည်း ဗုဒ္ဓနဲ့ပတ်သက်ခဲ့သာ ဓါတ်တော်များ အစရှိသည်တို့ကို သင်္ကေတပြု အရိုအသေပေးနေကြပါတယ်။ ခရစ်ယာန်တို့ကလည်း ခရစ်တော်ပုံ၊ လက်ဝါကပ်တိုင် ပုံတို့ကို သင်္ကေတပြု အရိုအသေပေးကြပါတယ်။ အစ္စလမ်ဘာသာဝင်တို့ကလည်း မက္ကာအစရှိတဲ့ မြို့တော်ကြီးတွေကို သင်္ကေတပြု အရိုအသေပေးနေကြပါတယ်။

ကိုးကွယ်ယုံကြည်မှုတွေက အမျိုးမျိုး ဖြစ်နေကြတော့ အရိုအသေပေးပုံနည်းလမ်းရော၊ အလေးအမြတ်ထားရာ သင်္ကေတတေပါ အမျိုးမျိုးကွဲပြားနေပါတယ်။ လူတွေရဲ့သဘာဝအရ မိမိတို့နဲ့မတူတဲ့ နည်းလမ်းတွေနဲ့ အရိုအသေပေးရင်၊ မိမိတို့ရိုသေရာ သင်္ကေတတွေနဲ့ သဏ္ဌာန်ကွဲနေရင် နားလည်မပေးနိုင်ကြသူတွေများပါတယ်။ အထူးသဖြင့် ဘာသာရေးဆန်ဆန်၊ ကိုးကွယ်မှုဆန်ဆန် အရိုအသေပေးမှုတွေကို ကိုယ်နဲ့မတူရင် နားလည်မပေးနိုင်ကြပါဘူး။

အဲဒီတော့ ထာဝရဘုရားသခင်ကို ယုံကြည်ကိုးကွယ်သူ အချို့ ပြောတတ်ကြတယ်။ “ငါတို့က ဘုရားသခင်က လွဲရင် ဘယ်သူ့ကိုမှ လက်အုပ်မချီဘူး” တဲ့။ အဲဒီတော့ မိဘ၊ဆရာသမားတွေကို လက်အုပ်ချီရှိခိုးတာတွေ့ရရင် သူတို့အတွက် နားမလည်နိုင်တဲ့ အရိုအသေပေးမှုဖြစ်သွားပါတယ်။ တကယ်တန်း တွေးကြည့်တော့လည်း မိဘ၊ ဆရာသမားတွေကို သူတို့လည်း သူတို့နည်း သူတို့ဟန် နဲ့ အရိုအသေပေးနေကြတာပါပဲ။ ဒါက နည်းလမ်းမတူညီမှုပေါ်မှာ နားလည်မပေးနိုင်ကြတာလေးကို ဥပမာ အနေနဲ့ပြောပြတာပါ။ (နိုင်ငံရပ်ခြားမှာတွေ့ရတဲ့ ထာဝရဘုရားဝါဒီ ဆရာဆရာမများကတော့ ကျောင်းသားတွေက ကြမ်ခင်းပေါ်ကနေ လက်အုပ်ချီရင် သူတို့ကလည်း ထိုင်ခုံပေါ်ကနေ လက်အုပ်ချီနေတတ်ကြတာကိုလည်း သတိထားမိခဲ့ပါတယ်။)

တကယ်တော့ ဦးညွတ်သည်ဖြစ်စေ၊ ခါးကိုင်းသည်ဖြစ်စေ၊ ချေဖမိုးနဲ့ နဖူးပွတ်တိုက်သည်ဖြစ်စေ၊ လက်အုပ်ချီမိုးရှိခိုးသည်ဖြစ်စေ၊ အလေးပြုသည်ဖြစ်စေ ရိုသေလေးစားကြောင်း ကာယကာမြောက်ဖော်ပြနေတာပါလား ဆိုတာတွေးလိုက်ရင် နည်းလမ်းပေါ်မှာ နားလည်မပေးနိုင်စရာမရှိတော့ပါဘူး။ ကျွန်တော့်အထင်ပြောရရင် ဒါမှလည်း အနှစ်သာရ နောက်ကိုလိုက်တာ ဖြစ်တော့မှာပေါ့။ နည်းလမ်းပေါ်မှာ အာရုံစိုက်လွန်းအားကြီးရင် အနှစ်သာရကို သဘောပေါက်ဖို့ ပိုမိုခက်ခဲသွားပြီး နားလည်မပေးနိုင်တော့တဲ့အတွက် လူသားအချင်းချင်း အထင်အမြင်တွေသေးကာ နှိမ့်ချစော်ကားမိတဲ့ အမှားတွေဖြစ်လာစေနိုင်ပါတယ်။
နည်းလမ်းနဲ့ ပတ်သက်လို့ စဉ်းစားမိသလောက် ပြောပြခဲ့ပါပြီ။ စာဖတ်သူများအနေနဲ့လည်း စိတ်ဝင်စားမယ်ဆိုရင် အကျယ်တဝင့်တွေးတောပြီး ဆွေးနွေးစေလိုပါတယ်။ အခုဆက်ပြီးသင်္ကေတနဲ့ ပတ်သက်လို့ ပြောပါရစေ။

ဗုဒ္ဓမပွင့်မီ ရှေးခေတ်ကတည်းက အိန္ဒိယပြည်မှာ အရိုအသေပေးစရာ သင်္ကေတတွေက အမျိုးအမျိုးရှိနေခဲ့ကြပြီ။ ဘယ်လောက်တောင် အမျိုးအစားတွေ ကွဲပြားသလဲဆိုတာကတော့ စုံအောင် ရေတွက်ပြဖို့တောင် တော်တော်ခက်ပါလိမ္မယ်။ အချို့က တောင်ကို၊ အချို့က တောကို၊ အချို့က ရေကို၊ အချို့က မြေကို၊ အချို့က နေကို၊ အချို့က လကို၊ အချို့က နက္ခတ်ကို၊ အချို့က တာရာကို၊ အချို့က ဥယျာဉ်ကို၊ အချို့က သစ်ပင်ကို အရိုအသေပေးကြပါတယ်။ အချို့ကတော့ အမျိုးမျိုးသော တိရိစ္ဆာန်တွေ၊ အရပ်ဌာနတွေကိုတောင် အရိုအသေပေးနေကြပါတယ်။ ဘယ်လိုသော သင်္ကေတတွေပဲဖြစ်ဖြစ် လူတွေက အရိုအသေကြတာဟာ အကြောင်းမဲ့သက်သက်တော့ လုံးဝမဖြစ်နိုင်ဘူး။ အကြောင်းရှိလို့သာ ဖြစ်လာတာပါ။ အဲဒီအကြောင်းအရာတွေကလည်း ဒီနေ့ခေတ်လူသားတို့ရဲ့ အတွေးအခေါ်နဲ့ ကြည့်ရင် ရယ်စရာဖြစ်ချင်ဖြစ်နေမယ်။ သူတို့ခေတ်လူသားတို့ရဲ့ အတွေးအခေါ်တွေကို မှန်းဆပြီး ဆင်းသက်လာတဲ့ မူရင်းကို သဘောပေါက်ရင် ပိုပြီးနားလည်မှု ပေးနိုင်လာပါလိမ္မယ်။

ဗုဒ္ဓဘာသာစာပေလာအတိုင်းပြောရရင် အထက်ကပြောခဲ့တဲ့ ကိုးကွယ်ရိုသေမှုတွေ ဟာ အဓိကအားဖြင့် လူသားတို့ရဲ့ ကြောက်စိတ်ကနေ ဆင်းသက်လာခဲ့တာဖြစ်ပါတယ်။ လူတွေဟာ သဘာဝအန္တရာယ်တွေဖြစ်တဲ့ ရေကို၊ မီးကို၊ လေကို ကြောက်ခဲ့ရတယ်။ ကောက်ပဲသီးနှံကောင်းဖို့ မိုးဖျက်မှာလည်း ကြောက်ခဲ့ရတယ်။ အဲဒီကနေတဆင့် ကိုးကွယ်ရာတွေရှာရင်း ရေ၊ လေ၊ မီး၊ မိုး အစရှိတဲ့ အရာတွေကို ကိုးကွယ်ခဲ့ကြတယ်။ အာရုံယူစရာသင်္ကေတမရှိတော့ နီးစပ်မည်ထင်ရာ နတ်သမီး၊ နတ်သားတွေထုလုပ်ရာကနေ နတ်ကွန်း၊ နတ်နန်းတွေ တည်ဆောက်တဲ့ထိဖြစ်လာတယ်။ အဲဒီကနေတစ်ဆင့် ကိုးကွယ်ရာသင်္ကေတတွေအဖြစ် နတ်ကွန်း၊ နတ်နန်းများတည်ရှိရာ နေရာဌာနတွေ၊ တောတွေ၊ တောင်တွေ၊ ဥယျာဉ်တွေဟာလည်း မြင့်မြတ်သော အရိုအသေပြုခံ သင်္ကေတတွေဖြစ်လာကြတယ်။

ဒီပို့စ်ကိုရေးနေရင်း ဗုဒ္ဓဘာသာစာပေမှာလာတဲ့ သိင်္ဂါလသုတ္တန်ကို သတိရမိတယ်။ အဖေဖြစ်သူ သိင်္ဂါလသူဌေးကြီးက သေခါနီးမှာ သားဖြစ်သူသိင်္ဂါလလုင်ကို အရပ် ၆-မျက်နှာ အရိုအသေပြုဖို့ မှာခဲ့တယ်။ တသက်လုံးက ဖခင်စကား နားမထောင်ခဲ့တဲ့ သားသိင်္ဂါလက နောက်ဆုံးစကားလေးမို့ ကြိုးစားပြီး နားထောင်ရှာတယ်။ သေခါနီးမှာသွားတဲ့ ဖခင်စကားဖြစ်လို့သာ လိုက်နာနေရတယ် သူ့အနေနဲ့ကတော့ ဒီအရပ် ၆-မျက်နှာအရိုအသေပေးလို့ ဘာအကျိုးကျေးဇူးရှိလိမ့်မလဲ ဆိုတာလည်း မသိဘူး။ ဗုဒ္ဓရှင်တော်က ရှင်းပြပါမှ ဖခင်ဖြစ်သူရဲ့ အဓိကဆိုလိုရင်းကို သဘောပေါက်ပြီး ဗုဒ္ဓကိုလည်း ကြည်ညိုလေးစားလို့ ဗုဒ္ဓဘာသာဝင်ဖြစ်ခဲ့ရတယ်။ ကြံကြံဖန်ဖန်တွေးကြည့်တော့ ဒီလုင်က ဗုဒ္ဓနဲ့တွေ့လို့သာ အရိုအသေပေးမှု နည်းလမ်းမှန်ကို မြင်ခဲ့တာ။ အကယ်၍သာ ဗုဒ္ဓနဲ့ တွေ့ခွင့်မရခဲ့ရင် သိင်္ဂါလမျိုးရိုးဟာ ဒီနေ့ထိ ဘာမှန်းမသိပဲ ရှေးလူကြီးမှာခဲ့သော စကားကိုနားထောင်ခြင်းဆိုတဲ့ အကြောင်းတစ်ခုတည်းနဲ့ အရပ်ဆယ်မျက်နှာ အရိုအသေပေးခြင်းဓလေ့နဲ့ နေ, နေကြဦးမလားမသိဘူး။
ဒီပို့စ်ကိုရေးရတဲ့ အကြောင်းက သေသေခြာခြာလေ့လာမယ်ဆိုရင် ကိုယ်နဲ့ ကိုးကွယ်ယုံကြည်မှုမတူသူတွေ ရဲ့ အရိုအသေပေးပုံတွေကိုလည်း နားလည်လာနိုင်ပါတယ်။ သူတပါးတို့ရဲ့ အရိုအသေပေးရာ သင်္ကေတွေကိုလည်း အမှန်တကယ်လေးစားစိတ် ပေါ်မလာရင်တောင် အလေးထားစိတ်နဲ့ ဖျက်ဆီးစော်ကားမိခြင်း အမှားအယွင်းတို့မှ ကင်းဝေးစေနိုင်ပါတယ်။

အင်တာနက်သတင်းတစ်ခုမှာ ဖတ်လိုက်ရတဲ့ သတင်း၊ ယူကျူ့မှာ ကြည့်လိုက်ရတဲ့ ဗီဒီယိုဖိုင်ကတော့ ကြည့်ရတာ စိတ်မချမ်းမြေ့စရာ ဖြစ်ရပါတယ်။ ဗုဒ္ဓဘာသာ ရုပ်ဆင်းတုတွေနဲ့ ဘုန်းတော်ကြီးကျောင်းတွေကို ဖျက်ဆီးပစ်တဲ့သတင်းပါ။ ဗီဒီယိုဖိုင် စကြည့်တုန်းကတော့ အရိုအသေပေးသူ ဒေသခံတွေမရှိတော့လိုလား၊ ဘုန်းတော်ကြီးများ သတင်းသုံးခြင်း မရှိတော့လို့လားလို့တော့ တွေးမိပါသေးတယ်။ နောက်ပိုင်းမှာတော့ ဘုန်းတော်ကြီး တပါး ခရီးဆောင်အိပ်ကြီးနဲ့ ထွက်သွားတာတွေ့လို့ ပိုပြီးစိတ်မကောင်းဖြစ်ရပါတယ်။ မလေးရှားနိုင်ငံမှာလို့ဆိုပါတယ်။ သတင်းကတော့ အဟောင်းကြီးပါ။ သတင်းမှန်လား လုပ်ကြံသတင်းလားဆိုတာတော့ စာဖတ်သူတွေသာ ဆုံးဖြတ်ကြပါတော့။

http://achareeya.blogspot.com/2008/04/if-you-think-that-malaysian-government.html

ကိုးကွယ်ယုံကြည်မှု၊ ဘာသာစကား၊ ဓလေ့ထုံးစံမတူသူ လူမျိုးစုများ အချင်းချင်း နားလည်မှုရှိပြီး အပြန်အလှန်အလေးထား တတ်ကြပါစေ။ သူတပါး အရိုသေပေးရာ သင်္ကေတတွေကိုလည်း အလေးထားတတ်ကြပါစေ-လို့ ဆုတောင်းလိုက်ပါတယ်။

ရွက်ဝါ